Hægt að skrá lén um helgar

Þeir sem eiga kreditkort geta nú skráð lén utan opnunartíma ISNIC.
Það er bæði öruggt og einfalt.

Skrefin eru þessi:

Veldu "Tengiliðir" (vinstra megin).
Fylgdu leiðbeiningunum nákvæmlega. Mundu að opna tölvupóstinn og staðfesta.
Smelltu á "Lén" vinstra megin hér á forsíðunni. Ritaðu lénið ásamt .is endingunni inn í gluggann "nýskráning" sem birtist. Vandaðu innsláttinn. Veldu "biðsvæði" í vallistanum þegar beðið er um vistunaraðila.
Síðar er haft samband við þjónustuaðila og léninu vísað
á vefþjón og/eða póstþjón. Veldu "áfram" svo lengi sem það er hægt. Í lokin birtist nýja lénið í biðröð neðarlega á skjánum. Smelltu þar á tengilinn "greiða" til að borga með korti.
Kvittun birtist á skjánum og berst með tölvupósti frá ISNIC.

Gangi þér vel að skrá þitt eigið .is-lén um helgina
ISNIC.